• Facebook
  • Instagram

Premios Imaxe Galicia

Premios Imaxe Galicia

Os Premios Imaxe Galicia nacen como un encontro no que descubrir as tendencias do sector da perruquería e a estética de Galicia. Un marco ideal no que afrontar novos retos creativos e no que sexa recoñecida a calidade profesional do sector na nosa comunidade.

Con estos premios queremos pór en valor a capacidade creativa e técnica da nosa profesión. Unha carreira na que a innovación xunto coa formación son chaves esenciais para a diferenciación.

Un punto de conexión entre profesionais para que florezan sinerxias que fagan crecer, evolucionar e visibilizar o talento do noso sector. Un proceso que culminará nunha gala que aspira a ser unha auténtica festa da perruquería e da estética.

Categorías

Mellor colección

COMERCIAL FEMININA

Calquera encargo que poidas facer no salón. Propostas enfocadas a una interpretación diferente da perruquería diaria aplicada aos tratamentos do cabelo.

Mellor colección

COMERCIAL MASCULINA

Aqueles traballos que podes facer para os teus clientes masculinos: cortes, peiteados… Sinxelos de levar, son aplicables aos usuarios do teu salón e os poderíamos ver pola rúa.

Mellor colección

VANGARDA

Traballos sen límites. Ideas innovadoras, novos camiños e materiais diferentes sen freos que condicionen a túa imaxinación. O ceo é o único límite.

Mellor perruqueira/o

REVELACIÓN (- 25 ANOS)

Pódense presentar aquelas mozas e mozos menores de 25 anos cunha colección comercial, de vangarda ou de calquer xénero. As únicas condicións son creatividade e técnica.

Mellor colección

BODYPAINT

Para a maquillaxe máis eleborada, creativa, innovadora e precisa de libre inspiración na que se cubra a totalidade do corpo.

Mellor

PASARELA

Entre as coleccións que desfilen na gala, elixirase aquela que destaque pola súa posta en escena. Todos os elementos contan na valoración: música, estilismo, actuación…

Honorífico

TRAXECTORIA PROFESIONAL

Un premio adicado a toda unha vida no sector. Á figura que enriqueceu co seu saber facer a nosa profesión e que tratou de asegurar o bo estado da perruqería co seu método e forma de traballo.

5 categorías desfilables con 3 posibles finalistas

Rexistro

O periodo de inscrición abrirase o 15 de abril e será efectivo ata o 15 de setembro de 2019.